ROXAS CITY -Pilas sa likod ang naangkon sang 42-anyos nga mister matapos nga ginbuno Barangay San Rafael, Dumalag, Capiz.
Ginkilala ang biktima nga si Cleo Asunar residente sang nasambit nga lugar.
Suno sa inisyal nga imbestigasyon sang Dumalag Municipal Police Station nga magkaupod inom ang biktima kag suspetsado nga si John Rey Catalan 28-anyos residente man sang amo nga lugar.
Nahibaluan nga samtang nagapapauli na si Asunar hinali gid lamang ini gin-ambangan ni Catalan kag ginbuno sa likod.
Gilayon nga ginpadangat sa Mambusao District Hospital si Asunar nga yara naman sa istabli nga kondisyon, samtang nakahunong na sa karsel sang Dumalag Municipal Police Station si Catalan.
Sa dugang nga pagpangusisa sang mga kapulisan, nahibaluan nga may yara sang daan nga hiligut-anon ang biktima kag ang suspetsado.
