ROXAS CITY – Nagadihon sang tikang ang mga miyembro sang Roxas City Tricycle and Drivers Association (RCTODA) agud mapalab-ot sa City Council angut sa ila sitwasyon may kaangtanan sa pagtaas sa presyo sang produktong petrolyo.
Suno kay Mr. Joseph Soberano, spokesperson sang RCTODA, natalana sila nga magsumiter sang sulat sa Konseho sang syudad agud mabuligan sila sa ila sektor.
Dugang pa ni Soberano, tuman na sila kapiyerde sa ila nga palangabuy-anan bangud magluwas sa ka-kompetensiya nga ‘libreng sakay,’ manubo nga minimum fare, kag mga nagabiyahe nga kolorum, nagatinaas pa ang presyo sang gatong.
Bangud diri, luyag nila nga ipatawag sang City Council ang tag-iya sang mga dalagkuan nga oil companies sa syudad agud mapaathag ang dako nga deperensiya sa presyo sang petrolyo sa Roxas City ikumparar sa iban nga probinsya sa western visayas.
Nagapanawagan man ini sa iban pa nga TODA nga magpalab-ot sang ila matuod-tuod nga sitwasyon bangud sa asud-asod nga oil price hike.
