Roxas City – Nakahatag sang maayo nga serbisyo sa mga Capiznon ilabi na sa mga commuters ang Modernized Jeepney.
Sa interview sang Bombo Radyo kay Esther Montanejos Chairperson- Panay Island Transport Service Coop, ginpahayag sini nga may yara na sang 10 ka mga units sa Panay Island, 5 sa Bara Libas, kag 5 ka units sa Dumulog.
Pahayag pa ni Montanejos, pag-abot sa pletehay wala sang pagbag-o sa ila pagsuluktan kag mahibaluan ang amu nga modernized jeepney ang nagabalor sang P2,235,000.00.
Ginklaro man sini nga sila ang nagapanikasog sang prangkisa kag wala sila nagakuha sang income sa mga driver apang nagabayad lamang ang mga ini sang P100.00 nga monthly due kag iga-deritso sa ila nga kooperatiba.
Sa karun ginahulat na lamang nila ang Local Public Transport Route Plan (LPTRP) nga nagikan sa gobyerno probinsyal agud makapaguha na sila nga mga kooperatiba sang mga units sang modernized jeepney.
Pa-alintun sini sa mga commuters pananglitan nga makapaguha na ang pila ka mga korporasyon kag kooperatiba sang mga modernized jeepney, nagapasalig sila nga mangin maayo ang ila pagsakay, barato kag luwas padulong sa ila kaladtuan.
