Monggo seeds kag mani, ginpanghatag sang DA sa mga mangunguma nga apektado sang tuman ka init nga panahon sa Capiz

ROXAS CITY – Nagpanghatag sang monggo seeds kag mani ang Department of Agriculture (DA) sa mga mangunguma nga apektado sang tuman ka init nga panahon sa probinsiya sang Capiz.

Ini ang ginpahayag ni Melinda Dominggo, ang municipal agriculturist sa banwa sang Sapian, Capiz sang mainterview sang Bombo Radyo.

Suno kay Dominggo, nagalab-ot sa 175 kilos sang monggo seeds kag mani ang ginpanghatag sang ahensiya sa mga mangunguma sa nasambit nga banwa nga tuman nga naapektuhan ang ila ulumhan bangud sa mainit nga tiyempo.

Sa banwa gid lamang sang Sapian, halos 130 ektaryas na ang totally-damaged bangud sa tuman ka init nga panahon.