Ini ang ginpahayag ni Mr. Greg Aguilar, Bombo International Correspondent nagikan sa California, USA sang ma-interview sang Bombo Radyo.
Ginpahayag ni Aguilar nga ginkumpirmar sang CDC nga may yara sang nabalhag nga kaso sang Monkeypox sa Canada kag US samtang sa Europe may yara sang nabalhag nga kapin 70 ka mga kaso sang amu nga balatian.
Katingalahan man suno diri, kun paano naglapta ang Monkeypox sa nasambit nga mga lugar bangud ang disease nga ini ang makit-an lamang sa Western Central Africa.
Suno kay Aguilar, ang nagalapta nga balatian ang isa ka mild disease kag indi kasubong sang iban nga virus.
Ang Monkeypox ang isa ka sakit nga kaparehas sang sulalob kun sa diin nagatubo sa panit sang isa ka tawo kag kun indi ini mabulong sang insakto posible nga ma-infection.
Ang sintomas sang Monkeypox ang ginakalakipan sang lagnat, pagpalanakit sang lawas, pagpalanakit sang ulo, pag-askad sang tutunlan, sipon pagtubo sang rashes nga nagatub-tubi.
Gintuad ni Aguilar nga indi man makabig nga outbreak ang Monkeypox sa pungsod America apang sa Europe madasig ini nga nagalapta.
Ginpaandaman na sang mga health expert ang mga Americans nga likawan anay ang magpadulong sa Europa agud indi malatnan kag indi na maglapta ang amu nga virus.
Wala man suno diri sang restrictions nga ginpatuman ang nasambit nga mga pungsod.
Text by: Bombo Judy Ann Juare
#BastaRadyoBOMBO
