IVISAN,CAPIZ – Nadakpan sa akto sang mga katapo sang Bantay Dagat ang isa ka sakayan-pangisda nga nagapatigayon sang ilegal nga pagpangisda nga wala sang nagakaigo nga permit sa kalalawran nga sakop sang Barangay Balaring, Ivisan, Capiz.
Sakay sang Motor Banca Meca ang boat captain nga si Nick Bialen 25-anyos, kaupod ang lima ka mga crew nga sanday Jordan Ilaran 32-anyos, Jerry Nuñal 18-anyos, Lowie Rubio 40-anyos, Vincent Almonguera 18-anyos kag Kent Bialen 22-anyos lunsay mga residente sang Barangay Culasi sining siyudad.
Temporaryo naman nga ginkustodiya sa Municipal Agricultures Office sa banwa sang Ivisan ang mga fishing paraphernalia nga gingamit sa pagpangisda.
Samtang, magabayad naman sang nagakaigo nga multa ang mga nadakpan nga persona.
