Patay ang isa ka wala pa makilala nga lalaki matapos bumunggo ang iya ginamaneho nga motorsiklo sa steel post sang Capiz Electric Cooperative (CAPELCO) sa Barangay Salocon, Panitan, Capiz,.
Sandig sa impormasyon nga nakuha sang Bombo Radyo sa Panitan Municipal Police Station, natabo ang insidente pasado alas-11:40 sang gab-i, matapos nga nakabaton sang report ang kapulisan halin sa isa ka concerned citizen nahanungod sa traffic incident sa amo nga lugar.
Pag-abot sang mga pulis sa lugar, nakita nila ang ang unconscious nga biktima nga nagahigda sa dalan kag may yara sang madamo nga pilas sa ulo.
Suno sa inisyal nga imbestigasyon, nabungguan sang biktima ang steel post sang CAPELCO.
Gindala pa ini sa ospital apang gindeklara nga dead on arrival.
Ang biktima nakasuksok sang blue nga t-shirt kag maong pants.
Wala man ini sang dala nga identification card.
Samtang, ang motorsiklo ang yara sa kustodiya sang Panitan Municipal Police Station para sa nagakaigo nga disposisyon.
