ROXAS CITY – Pilas sa nagkalain-lain nga parte sang lawas ang na-angkon sang driver sang motorsiklo matapos bumunggo ang ginamaneho sa kasugata nga pick-up takna 5:19 sang hapon, Pebrero 24, 2024 sa Barangay Nagba, Cuartero, Capiz.
Ginkilala ang biktima nga si alyas ‘Eddie’ legal nga pang-edaron, residente sang Barangay Balucuan, Dao apang temporaryo nga nagapuyo sa Barangay Maindang, sa amu nga banwa.
Samtang, ang driver sang pick-up ang ginkilala nga si Punong Barangay Casio Helican sang Barangay Balingasag, Cuartero.
Sa impormasyon nga nakuha sang Bombo Radyo sa Cuartero Municipal Police Station, samtang ginasubay ni ‘Eddie’ ang dalanon sakay sa ginamaneho nga motorsiklo apang pag-abot sa kurbadahon ginapahayag nadulaan ini sang kontrol sa manubela kag dire-diretso nga bumunggo sa kasugata nga pick-up.
Bangud sini, na-apok ang biktima kadungan sang pagkatumba sang iya motorsiklo.
Ginpadangat ini sa Dao District Hospital apang ginbalhin sa Roxas Memorial Provincial Hospital para sa dugang nga pagbulong.
Ginaalegar, madasig ang pagpadalagan sang motorsiklo sang natabo ang insidente.
