ROXAS CITY – Ginapahayag gintaban ang isa ka motorsiklo sang tatlo tanan ka wala pa makilan-an nga mga persona sa Barangay III, Roxas City.
Sa interview sang Bombo Radyo sa kay Punong Barangay Nelson Ignacio, ginpahayag sini nga sang natabo ang pagpangawat nakaparking ang amu nga motorsiklo sa isa ka apartment.
Suno kay PB Ignacio, ginkilala ang tag-iya sang motorsiklo kay Mercedes Apelado.
Mahibaluan nga pinaagi sa kuha sang Closed-circuit television (CCTV) sa lugar, natigayon ini nga makuha sang mga kawatan pinaagi sa pagkakas sang mga kaha sang motorsiklo subong man ang pagwasak sa yabihan antes ginguyod.
Pahayag pa sini nga sang natabo ang insidente, wala sa apartment ang tag-iya.
Gilayon man ini nga nagpabalhag Roxas City PNP angut sa natabo kag sa karun padayon ang imbestigasyon sang mga otoridad agud matumod kag madakpan ang wala makilan-an nga mga persona.
