Menor nga kapilasan sa lawas ang naangkon sang 27-anyos nga babaye matapos ma-aksidente ang ginamaneho nga motorsiklo sa Barangay Calapawan, Panay, Capiz.
Ginkilala ang driver sang motorsiklo nga si Domingo Biare Jr., kag backrider nga si Sherlyn Catalan lunsay mga residente sang Barangay Calapawan sang amo nga banwa.
Ba-se sa report nga ginasubay sang mga biktima ang dalanon gikan sa Barangay Calapawan padulong sa proper sang Panay sang magtabuk ang isa ka ido sa karsada.
Posible nga nadulaan sang kontrol sa ginamaneho nga motorsiklo ang mga biktima kag natumba.
Gilayon nagresponde ang mga katapu sang Municipal Disaster Risk Reduction and Management Office-Panay kag gindapatan sang pauna nga pagbulong antes gindala sa ospital.
Apang matapos nabulong ang naangkon nga kasamaran sa natuo nga paa kag kamot ni Catalan, gilayon man sila nga ginpapauli.
