ROXAS CITY – Subong nga bulan sang Oktubre ang selebrasyon sang Indigenous Peoples Month 2022 nga may tema: Upholding Cultural Communities for a Robust Philippines.
Ini ang ginpahayag ni Mr. Norberto Roldan, Artistic Director sang ma-interview sang Bombo Radyo.
Tuman ka importante suno diri ang IP’s bangud ini sila ang nagapahanumdum sang aton kultura kag kasaysayan.
Gintuad pa sang direktor nga kita tanan ang kabahin sang Panay bukidnon apang ginpili sang kalabanan nga mga tawo ang magpuyo sa lowlands rason nga nabilin ang IP’s sa kabukiran kag nagtunga ang kultura.
Suno diri, kinahanglan dumdumon kag kilalanon ang IP’s agud mapabilin ang respeto kag ang ila kinamatarong.
Matandaan sang tuig 2020 may insidente sa Calinog, Iloilo kun sa diin ginapahayag gindakop kag ginpatay ang lider sang IP’s nga makabig bayolasyon sa ila kinamatarong.
Gani, dako ang mabulig sang National Commission for Indigenous People (NCIP) sang gobyerno nga amu ang nagahatag sa ila sang pagtalupangod.
Sa pihak sini may yara man sila ginpreparar nga programa para sa mga katutubo kag ini ang mga masunod:
Oktubre 20- Jamindan Panay Bukidnon Indigenous People’s Day Celebration sa Barangay Agloloway, Jamindan Capiz.
Oktubre 26-28- Shri Vishayas: The Indigenous People’s Festival diri sa Roxas City.
Oktubre 27- Panay Bukidnon: Keeping the Sugidanun Alive (A Shri Visayas Conference) diri sa Roxas City.
