ROXAS CITY -Nagpangayo sang pasaylo ang pamunuan sang Metro Roxas Water District (MRWD) sa ila mga konsumidor kasunod sang wala ginlauman nga water interruption sang supply sang tubig.
Ginpahayag ni Mr. Mark Bernas, tagpamaba sang Metro Roxas Water District nga nag-angkon sang problema ang isa sa mga water pump sa Paslang Water Treatment plant rasun nga nagpatigayon sila sang emergency shut-off .
Apang ginpahayag ni Bernas nga madasig man ini nga nakay-o kag nagbalik ang supply sang tubig.
Pa-athag pa sini nga sa pihak nga nagbalik na sa normal ang supply sang tubig, mahina sa gihapon ang tubod sang tubig sa gripo bangud natabuan nga peak hours kag madamo ang nagagamit sang tubig.
Suno kay bernas nga indi basta mabalik sa normal ang pressure sang tubig ilabi na sa mga konsumidor nga ang mga panimalay ang yara sa matag-as nga porsyon.
