ROXAS CITY – Wala pa sang pinal nga petsa ang Local Government Unit (LGU) sang Panit-an kun san-o iga-release ang financial assistance sa Bagyong Odette.
Ini ang ginkumpirmar ni Elna Durana Rapsing, Municipal Social Welfare and Development Office (MSDWO) head sang mainterview sang Bombo Radyo.
Suno diri, ginahulat pa nila ang mangin desisyon sang ila alkalde sa mangin schedule sang pay-out, apang ginpasiguro sini nga downloaded na sa ila LGU ang pondo nga kapin P2.5 million nga aminado ang MSWD officer nga kulang para sa ila mga benepisyaryo.
Natigayon man nga mapaalinton ang mga Barangay Kapitan, angut diri.
Dugang pa ni Rapsing nga may yara sang 2,560 ka mga benepisyaryo ang yara sa ila listahan nagikan sa mga Brgy. Kapitan, apang indi pa ini pinal nga benepisyaryo.
Nahibaluan nga ila prayoridad ang mga mangunguma, nag evacuate kag labing apektado nga pamilya.
Sa karon, ila ginapauna sang release ang Department of Agriculture (DA) sa ila nga banwa.
