ROXAS CITY – Nagpadulong sa opisina sang Municipal Agricultures Office, ang mga nagreklamu nga mangunguma nga taga Brgy. East Villa Flores Maayon Capiz bangud nga wala madala sa ginreleasan sang P5,000.00 nga ginapanagtag sang Department of Agriculture (DA).
Sa interview sang Bombo Radyo kay Evie Dizon Municipal Agriculturist sang nasambit nga banwa, nga sa ila pagpatigayon sang payout ,naglab-ot sa kapin duha ka libo ka mga mangunguma ang nakabaton sang P5,000.00, apang aminado ini nga kulang ang amu nga benepisyaryo sa masobra P5,000.00 ka mga mangunguma sa ila banwa.
Dugang pa ni Dizon, indi magkabalaka ang mga wala makabaton kay may ara pa sang palaabuton nga payout, antes matapos ang tuig kag nagapadayon pa ang validation sang Department of Agriculture sa mga listahan sang mga mangunguma.
Panugyan ni Dizon nga kung may ara sila sang reklamo sa listahan nga naghalin sa ahensya bukas ang iya opisina sa pag- atubang sa mga ini.
