Ginbasura sang Muntinlupa Regional Trial Court ang mga mosyon nga ginpasaka sang mga leagal team’s sang Direktor nga si Darryl Yap kag aktor nga si Vic Sotto kaangut sang ila legal nga away nahanungod sa kontrobersyal nga teaser sang pelikula nga ‘The Rapists of Pepsi Paloma’.
Sa desisyon sang hukuman nga may petsa Enero 14, ginbalibaran ang hinyo ni Yap nga tingubon ang duwa ka separado nga kaso, ini ang petisyon ni Sotto para sa writ of habeas data nga nagatuyo nga kakason ang mga materyal nga may kaangtanan sa pelikula, kag ang kaso nga kriminal nga ginpasaka ni Sotto batuk kay Yap nga nagaakusar sang 19 counts sang cyber libel.
Gindesisyonan sang korte nga ang duwa ka kaso ang lain-lain nga klase, tinutuyo, hurisdiksyon, kag proseso, gani indi nagakadapat ang pag-upod sang mga ini. Ang mga kaso sang habeas data ang nagasunod sa mga sigurado nga pagsulundan, samtang ang mga kaso sang cyber libel ang nagasakop sang Revised Rules of Criminal Procedure. Ginhatagan-pagtamod sang hukuman nga ang kada kaso ang dapat magpadayon sang separado sa ila tagsa ka forum.
Bilang dugang, ginbalibaran man sang hukuman ang mosyon ni Sotto nga magpaguwa sang show-cause order batuk kay Yap bangud sa ginapahayag paglapas sini sa gag order. Gin-ako sang Muntinlupa RTC nga ang post ni Yap ang indi direkta nga ginlapas ang gag order, apang ginhatagan sang paandam sang korte si Yap nga anuman nga paglapas sa ulihi, mahimo nga makaangkon sang silot.
Gin-athag man sang korte nga apisar ginpaguwa nila ang writ, indi ini isa ka takedown order kasubong sang sala nga paghangop sang kampo ni Sotto. Magapadayon ang mga legal nga proseso, kun sa diin gintalana ang preliminary hearing sa Enero 15 kag ang summary hearing subong nga Enero 17, 2025. Ang kaso ang nakatutok sa mga alegasyon ni Sotto sa mga mapangguba kag malisyoso nga pahayag sa teaser sang pelikula ni Yap.
