Magluwas sa misis ni Ricardo Cepeda nga si Marina Benipayo, isa pa sa mga celebrity nga nagpasalamat sa temporaryo nga kahilwayan sang aktor nagikan sa presohan amu ang aktres nga si Nadia Montenegro.
Mahibaluan nga base sa Instagram post sang aktres ginsiling sini nga RELEASE FORM SIGNED!”
“FINALLY! An innocent man is FREE!! Praise you Lord!”
Makit-an naman sa social media posts ni Marina ang kahilwayan, samtang nagasaot sila sang Don’t Be Cruel sang nagtaliwan nga singer nga si Elvis Presley.
Matandaan nga ginaresto sang kapulisan ang batikan nga aktor bangud sa ginapahayag kaso nga syndicated estafa samtang yara ini sa Caloocan City, sadtong Oktubre 7, 2023.
Samtang, wala naman natuad nga na-disclose kung pila ang piyansa ni Ricardo kung sa diin halos isa man ka tuig antes nahilway sa karsel.
