May maayo kag malain nga epekto sa palibot ang nagkalain-lain nga agricultural practices.
Sa interview sang Bombo Radyo kay Dr. Eden Alam, Associate Professor III sang Capiz State University- Pontevedra Campus, iya ginpahayag nga ang ini nga practices ang mahimo nga makabulig ukon mangin rason sang pagbaha.
Kalakip sa may positibo nga epekto amo ang soil conservation, carbon sequestration kun sa diin gina-imbak sang mga mangunguma ang carbon dioxide sa hangin kag biodiversity protection kun sa diin may natural nga pamaagi sa pagpatay sang peste.
Samtang ang may malain nga epekto ang ginakalakipan sang mono-cropping, water pollution tuga sang paggamit sang mga insectides sa pananum, deforestatipon kasubong sang pag-kaingin kun sa diin ginasunog ang parte sang kagulangan agud patindugan sang imprastraktura kag loss of biodiversity.
Pahayag pa ni Dr. Alam, ang climate change ang tuga sang wala untat nga paghimo sang tawo sang mga aktibidad nga nagasamad sa natural nga flow sang sistema sa palibot.
