Wala pa makilala ang suspetsado nga nagluthang sa crane operator nga si Leo Feolog, matapos makaaway ang isa ka motorista sa Barangay Ongol Ilaya, Dumarao, Capiz.
Sa nakuha nga impormasyon sang Bombo Radyo nagikan sa Dumarao Municipal Police Station, nakabaton sila sang report nga may naluthangan nga motorista takna alas 11:00 sang gab-i sang Marso 12, 2025 sa national highway sa Barangay Ongol Ilaya.
Madasig sila nga nagresponde sa lugar apang madasig nga nakapalagyo ang suspect sakay sa iya motorsiklo kag wala kag wala makilala.
Wala man nakuha sang biktima ang plate number sang motorsiklo bangud madulom ang lugar nga ginluntaran sang insidente.
Nahibaluan nga halin sa San Dionisio, Iloilo ang biktima sakay sang Rusi nga motorsiklo kag pauli na kun tani sa banwa sang Dumalag.
Sa pagpangusisa sang mga kapulisan nagkarera ang duwa ka mga driver sa national highway sang Dumarao kag pag-abot sa Barangay Ongol Ilaya, ginbanggaan sang suspek ang biktima agud komprontahon.
Diri na kag nag-angkon sang tensyon sa tunga sang duha kag naggabot sang armas-luthang ang suspek kag gintiro sa likod ang biktima.
