Nagpanglingling sang dalaga sa Barangay Libas, nakastiguhan

Nakastiguhan ang 43-anyos nga si alyas Doroy nga ginatudlo nagpanglingling sa 19-anyos nga dalaga sa Barangay Libas, Roxas City sang damlag lang.

Nahibaluan nga nakit-an sang mga himata sang dalaga si alyas Doroy kag sa ila nga kaakig, diri kag ila ini ginpulihan tapungol kag tindak.

Sa report nga nakuha sang Bombo Radyo, makapila na ka beses nga nadakpan ang suspek sa pagpanglingling sa banyo sang mga babaye kag masami nga nagapromisa nga indi na magliwat.

Matandaan nga ginhusay na sa barangay ang nasambit nga reklamo sa tunga sang suspek kag biktima.

Desidido naman nga magpasaka sang kaso ang dalaga.