-- ADVERTISEMENT --
Mahimo sa gihapon nga mapasakaan sang kaso angut sa ilegal nga droga ang subject sa drug buybust operation nga nakapalagyo sa Barangay Tiza, Roxas City.
Sa interview sang Bombo Radyo kay PCMS Ramil Arcangeles, indi makaluwas sa kaso si John Martin Legaspi apisar nga nakapalagyo ini.
Suno kay Arcangeles, tatlo sila ang nangin subject sang amo nga operasyon kag natumod ini sang kapulisan nga yara sa street level individual (SLI).
Dugang pa sini, nga kung kaisa indi malikawan nga nagakatabo ang kasubong nga sitwasyon sa tion nga magpatigayon ang mga ini sang operasyon, apang mahimo sa gihapon nga mapasakaan sang kaso ang nangin subject ilabi na nga identified ini.
