Nangin malinong kag matawhay ang pag-obserbar sang pista minatay – CPPO

Nangin malinong, matawhay kag madinalag-on ang pag-obserbar sang pista minatay sa bilog nga probinsya sang Capiz.

Sa interview sang Bombo Radyo PCOL Albert Tapulao, Officer-in-Charge sang Capiz Police Provincial Office (CPPO), wala sila sang may nabalhag nga mga insidente nga nagtublag sa pag obserbar sang mga kapulisan sa pagsaulog sang pista minatay.

Dugang pa sini, wala sang may nakumpiskar nga mga ginadumilian nga pagkabutang ang mga kapulisan sumugod sang Oktubre 31 tubtob Nobyembre 2.

Mensahe ni Tapulao, hugot sini nga gindayaw ang ginpakita nga dedikasyon sang mga kapulisan agud mapabilin ang malinong kag matawhay ang pag-obserbar sang tig-kalalag.