Napatay nga Palestinians sa Israeli airstrikes, indi magnubo sa 22 – (Medics) 

Indi magnubo sa 22 ka Palestinians ang napatay sa mga airstrike sang Israel sa Gaza sining Sabado, suno sa medics. 

Suno pa sa medics, indi magnubo sa 10 katawo ang napatay sa isa ka airstrike malapit sa municipality building sa Deir Al-Balah sa central sang Gaza Strip kun sa diin nagtipon ang mga tawo agud magbaton sang bulig.

Napatay man sa strike ang pinuno sang Hamas-run administrative committee sa tunga sang Gaza, nga amo si Diab Ali al-Jaru. 

Ginpahayag sang militar sang Israel nga si al-Jaru, nga alkalde man sang Deir Al-Balah, ang target sang strike kag ginabuligan niya ang mga militante nga Hamas.

Apat pa ka tawo ang napatay sa separado nga strike sa lugar.