ROXAS CITY – POrmal nga ginlunsyar sang tiglikum sang National Anti – Poverty Commission ukon NAPC ang Sambayanihan Serbisyong Sambayanan Program sa probinsya sang Capiz.
Ginpangunahan ini ni NAPC Sec. Noel Felongco nga nagpadulong sa probinsiya sang Capiz sang damlag lang.
Kabahin ang nasambit nga programa sang 5 year development plan sang ahensiya nga tuyo mabuligan nga mapasangkad ang pangabuhi sang mga pigado ukon imol.
Suno kay Felongco magapatigayon sang kunsiltasyon ang NAPC sa probinsya sang Capiz sa diin mangin alagyan ini agud mapalab-ot sang mga pigado ang ila nga mga problema.
Ginpasalig naman ni Felongco nga sa masunod nga tuig, posible nga may yara na sang data gatherings nga pagahimuon sa diin diri mahibaluan ang nagakaigo nga programa nga iga-rekomendar sang ahensiya agud mabuligan ang mga imo nga Capizeño.
Nagapati naman si Felongco nga mangin mahapos sa ila ang pag-implementar sang programa bangud sa suporta sang LGU’s sang probinsya.
