Gin-athag sang isa ka local historical researcher sa Capiz nga ang National Heroes Day indi lamang tion sang pagdumdom sa mga bayani, kundi tion man sa pagbalik-tanaw sa kasaysayan.
Sa interview sang Bombo Radyo kay Erwin Bonifacio, local historical researcher, iya ginpahayag nga importante ang pagadumdumon ang kasaysayan bangud sa mga values kag leksyon halin sa nagligad nga mahimo magamit sa aton kabuhi kag sang komunidad.
Suno kay Bonifacio, ginakabig man ang importansya sang kasaysayan bilang instrumento sa pagpauswag sang komunidad.
Samtang ginasaulog ang National Heroes Day, padayon nga ginahatagan sang importansya ang mga sakripisyo sang mga bayani nga nangin bahin sang Philippine Revolution kag Philippine-American War.
Ginpahayag man sini nga paagi sa pagtuon sang kasaysayan kag paggamit sang moderno nga mga plataporma, ginalauman sini nga mas mapasangkad sa mga pamatan-on ang pagkilala kag pag-apresyar sa kasaysayan kag sakripisyo sang mga bayani para sa kahilwayan nga aton ginakabig sa subong.
