James Harden, ginpangunahan ang kadalag-an sang Cleveland Cavaliers batok sa Sacramento Kings

Nangin madinalag-on ang debut game ni James Harden para sa Cleveland Cavaliers ini matapos nga ginlutos ang Sacramento sa score nga 132-126, sang sabado sang gab-i.

Sa mahinay nga umpisada, nangin key factor si Harden sa ulihi nga quarter sang hampang kaupod si Donovan Mitchell, kun sa diin naka-iskor sila nga duha sang 16 point para sa Cavaliers agud masigurado ang kadalag-an.

Nakarecord man si Harden sang 23 points, samtang si Mitchell ang naka-iskor sang 35 points.

Samtang, daku man ang nabulig ni Jarrett Allen, nga may yara sang 29 points kag 10 rebounds para sa Cavaliers.