Magasugod na subong nga adlaw, Oct. 23 ang 2024-2025 regular season sang National Basketball Association(NBA).
Sa pagbukas sang season, nakatalana nga magahampang ang apat ka grupo, duha sa Eastern Conference kag duha sa Western Conference.
Sa Eastern, maga-atubang ang 2024 NBA Champion nga Boston Celtics kag New York Knicks.
Diri matestingan sang defending champion ang bag-o nga-reporma sang Knicks nga sang damlag lang nakuha ang bigman All-Star nga si Karl Anthony Towns kag shooter nga si Donte Divicenzo.
Sa Western, makahampang naman ang Los Angeles Lakers kag Minnesota Timberwolves.
Ang Wolves ang nagsulod sa Western Conference Finals subong nga season apang dalayon man nga ginpiyerde sang Dallas Mavericks.
Sa pihak nga bahin, ang Lakers ang nagapabilin nga ginapangunahan sang mga superstar nga si Lebron James kag Anthony Davis.
Posible nga diri man makita ang pag-updanay nanday Lebron kag bata nga si Bronny sa una nga kahigayunan sa regular season.//
