Ginbaligya na ang kilala nga NBA team nga Los Angeles Lakers sa balor nga $10 bilyones — ang pinakamahal nga presyo para sa isa ka sports team sa maragtas sang Estados Unidos, suno sa report sang ESPN.
Nahibaluan nga ang pamilya Buss, nga nagapanag-iya sang Lakers sa sulod sang 47 ka tuig, nagbaligya sang ila kontrol sa team sa bilyonaryo nga si Mark Walter, isa ka karon nga minorya nga tag-iya sang team kag CEO sang TWG Global.
Apang magapabilin bilang team governor si Jeanie Buss matapos mabaligya ang NBA team.
Samtang, si Walter amo man ang tag-iya sang Los Angeles Dodgers, Los Angeles Sparks, kag iban pa nga mga propiedad sa isports.
Suno sa NBA legend nga si Magic Johnson, maayo ini nga balita para sa Lakers bangud may reputasyon kag history sang pagdaug kag pagpanguna si Walter. Madumduman nga ang pamilya Buss nagdala sang 11 ka kampeonato sa NBA sa Lakers halin sang 1979, lakip ang mga tion nga ginpangunahan nanday Magic Johnson kag Kobe Bryant.
