Ginsumiter na sang National Bureau of Investigation (NBI) director Jaime Santiago ang iya irrevocable resignation.
Sa sulat nga ginsumiter kay Presidente Ferdinand Marcos pinaagi kay Executive Secretary Lucas Bersamin, iya ginpahayag nga magahalin siya gilayon sa pwesto sa tion nga may mahingadlan nga magabulos sa iya.
Nabutang man sa iya sulat nga indi na niya masarangan ang pagpasipala kag intriga batuk sa iya.
Ginpasalamatan sini ang administrasyon ni Marcos kag ginpasalig ang iya padayon nga suporta sa administrasyon sini. Sang ginbaton niya ang trabaho, ginpasalig sini nga tinluan niya ang ahensya sang mga skalawags.
Nag-umpisa ang pagpasipala sa iya sang nagsumiter ini sang courtesy resignation kaupod ang pila ka mga opisyal sang gobyerno bangud sa amo man nga mandu ni Pres. Marcos.
Ginapahayag nga nagapadayon sa ila mga hilikuton ang mga ginaalegar nagadagta sang iya imahe, bangud interesado sila sa iya posisyon.
Si Santiago, isa ka anay trial court judge, prosecutor kag police officer sa Manila, ang gin-appoint bilang NBI Chief sang Hunyo sang nagligad nga tuig.
