Nanindugan si National Bureau of Investigation (NBI) Director Jaime Santiago nga indi sila maghatag sang kopya sang mga pamangkut nga amo ang gamiton sa mangin imbestigasyon nahanungod sa mga kontrobersiya nga pahayag ni Vice President Sara Duterte sa plano nga pagpatay suno sini kay Presidente Bong Bong Marcos.
Pag-eksplekar ni Santiago, magalibot lamang ang mga pamangkot sa kun sin-o gid bala ang nasugo sang ikaduha nga presidente para ipapatay si Presidente Marcos kag kun ngaa niya nabuy-an ang mga pagpamahog nga ato.
Ini matapos ang dapat kun tani pagtambong sini sa opisina sang NBI sa Pasay sining Biyernes para maklaro ang mga pahayag batuk sa kasubong nga administrasyon.
Samtang, nagapanawagan naman ang direktor kay VP Sara nga dako nga bagay ang mangin kooperasyon sini sa imbestigasyon para makakuha pa sang dugang nga impormasyon ang NBI nahanungod sa mga mahimu pa nga pagpamahog sa kabuhi sang Presidente amo man ang seguridad niya bilang ikaduha nga Presidente sang pungsod.
