NBI, nagpasa na sang dugang nga dokumento sa Interpol batok kay Ako Bicol party-list Representative Zaldy Co

Napasa na sang National Bureau of Investigation (NBI) ang mga dugang nga dokumento sa International Criminal Police Organization (Interpol) may kaangtanan sa ila ginpangayo nga red notice batok kay anay Ako Bicol party-list Representative Zaldy Co.

Ginkumpirmar ini ni NBI spokesperson Palmer Mallari kag ginsiling nga nagahulat na lamang sila sang desisyon sang Interpol.

Suno sa NBI, sang nagligad nga semana nag-request ang Interpol sang dugang nga papeles nga ila naman ginpasa subong nga adlaw, Pebrero 11.

Ginhingyo sang NBI ang pagpagwa sang red notice batok kay Co sang Disyembre 2025 matapos ini gindeklarar sang Sandiganbayan bilang “fugitive from justice” bangod sa iya ginapangatubang nga kaso nga malversation kag graft.