Ginpasaka na sang National Disaster Risk Reduction Management Council (NDRRMC) sa blue alert status ang ila nga operation center.
Ang amo nga tikang sabat sa nakit-an nga low pressure area (LPA) malapit sa Guiuan, Eastern Visayas.
Tinutuyo sang NDRRMC nga gilayon nga hatagan pagtamod ang ano man nga mangin malapad nga epekto sang bagyo bangud sa ulan, baha, kag landslides.
Gin-abisuhan man sini ang tanan nga mga Regional kag Local Disaster Risk Reduction and Management Councils (R/LDRRMC) subong man sa mga Office of the Civil Defense (OCD) Regional Offices nga mangin preparado na sa posible nga epekto sang bagyo.
Ginhatagan man importansya sang NDRRMC nga lain gid ang may timprano nga preparasyon agud nga indi makatuga sang dako nga epekto ang amo nga bagyo.
