Ginbawi ni Paris Olympics 2024 bronze medalist Nesthy Petecio ang pahayag sini nga indi na ini magasabak pa sa 2028 Los Angeles Olympics.
Suno sa 32-anyos nga boksingero, nga humalin sang mapaslawan ini nga makuha ang bulawan nga medalya sa Paris Olympics, kaangay nga nadulaan na ini sang gana rason nga gintua sini nga ulihi na ang 2024 Olympics nga pagalakipan sini.
Ginganyat siya suno sang pila ka mga kapwa boksingero kag nakakita sang mga senyales.
Dugang pa sini nga magahirit pa ini sang isa pa nga Olympics sa Los Angeles kun makakuha sang bulawan nga medalya.
Nakatuon man ang atensyon sini sa karon sa pagsabak sa 2025 World Boxing Championships sa Liverpool, England sa bulan sang Setyembre.
Subong nga bulan sang Enero, nag-upod ini sa training camp nila sa Baguio City kun sa diin ginapreparahan nila ang pagsabak sa Southeast Asian Games kag World Championships.
