Ginpatuman sang National Food Authority (NFA) –Capiz ang ₱30.00 kada kilo ang buying price para sa palay.
Ang palay mahimu nga mabakal sa mga mangunguma depende sa klase sini nga amo ang mga masunod:
* PD1-A – ₱30.00 kada kilo
* PD1-B – ₱27.30 kada kilo
* PD2-A – ₱28.69 kada kilo
* PD2-B – ₱25.99 kada kilo
Sa interview sang Bombo Radyo kay Mr. Joemar Fajartin, Branch Manager sang NFA – Capiz, iya ginpahayag nga ang panibag-o nga buying price para sa palay mahimo nga makabulig sa madamo nga rice farmers sa probinsya ilabi sa nagasaka nga presyo sang mga produkto.
Suno kay Fajartin, tinutuyo sang NFA nga mapun-an ukon ma-replenish ang ila buffer stock pinaagi sa mas mataas nga presyo sa pagbakal sang palay.
Dugang pa sini, nga yara duha na ka semana nga ginapatuman ang ₱30 kada kilo nga buying price sang palay.
Ang amo nga tikang ginakabig nga dako nga bulig para sa mga mangunguma sa probinsya, ilabi sa padayon nga pagsaka sa nga presyo sang gatong.
