CAPIZ – Padayon nga nagapamakal ang National Food Authority (NFA)- Capiz sang mga humay sa mga mangunguma kag ini ang magalawig tubtob Oktubre 19, 2025.
Sa interview sang Bombo Radyo kay Mr. Andy Ostan, Acting Branch Manager sang NFA-Capiz, iya ginpahayag nga ang pinakanubo nga baklanay sang dried palay ang nagabalor sang P23 samtang P17 naman sa basa ukon fresh harvest.
Suno sa iya, ang presyo sang humay ang nagabag-o kada semana.
Dugang pa sang natungdan, ginalimitahan lamang sang tubtob 50 bags ang pagpamakal sang NFA sang humay sa mga mangunguma.
Panugyan ni Ostan sa mga mangunguma, magparehistro sa mga warehouses agud ma-schedule ang pagbaligya sang humay kag magdala lang sang sample agud ma-check kun pasado sa quality standard nga gina-require sang National Food Authority.
