Ginatun-an na sang National Food Authority ang posibilidad nga pag-renta sa mga private warehouse ukon temporaryo nga paghulam sa mga storage facilities sang mga lokal nga gobyerno kag mga kooperatiba.
Ini ang kabahin sang pagpreparar sa nagahilapit nga tion sang harvest subong nga summer.
Suno kay NFA Administrator Larry Lacson, padayon na nga ginagaling ang mga humay nga stock gamit ang
recovery rate nga 63%.
Pahayag sini nga pananglitan makumpleto ini, mahimo na nga decongest ang mga bodega kag mahulag sang tubtob 35% ang storage space sang mga bodega.
Mahibaluan nga may yara na sang mga LGU’s kag mga kooperatiba nga nagpahayag na sang kahandaan nga ipahulam ang ila mga bodega.
Mangin ang mga local office sini, nagpahayag sang pagpreparar nga makig-angut sa mga local cooperative kag mga LGU agud temporaryo nga magamit ang ila mga
warehouse.
Dugang ni Lacson, padayon ang ila pagpangita sang pamaagi agud ma-accommodate ang madamo nga bulto sang bugas nagikan sa mga mangunguma kag masolusyunan ang mas mataas nga buffer stock.
