Ang pag-angkon sang sip-on ang indi lang tungod sa ulan ukon sa malamig nga tyempo.
Sunod-sunod ang mga bagyo nga nagsulod sa pungsod sang damlag lang.
Bangud sini madamo man ang nagaka-eksperyensya sang ubo kag sip-on ilabi na ang mga magagmay nga bata nga masami nagamasakit.
Sa pagdumdom sang kadam-an, ang ubo kag sip-on ang nagakabatyagan lang kun tig-ululan.
Apang suno kay Dr. Maricar Limpin, isa ka pulmonologist, ang ubo kag sip-on ang tuga sang virus nga kun tawgon rhinovirus nga mas ginapabaskog pa sang malamig nga temperatura.
Sa tion sang tig-ululan, mas nagakabuhi kag mas madasig nga nagadamo ang virus nga nagatinir sa lawas sang tawo.
Apisar nga ubo lang kag sip-on ang imo nabatyagan, mahimo ini sa gihapon nga maglala kun pabay-an ilabi na kun mahina ang imo immune system.
Panugyan sang doktor, mas maayo nga likawan nga mabasa sang ulan, masami nga maghugas sang kamot, mag-exercise kag magtulog sang insakto ukon bastante nga oras
