Mahimo nga maglawig sang pila ka adlaw antes magbalik sa normal ang operasyon sa pila ka mga airport sa Estados Unidos.
Kasunod ini sang katapusan sang makasaysayan nga pagsirado sang gobyerno sang ginpirmahan ni Presidente Donald Trump sang Estados Unidos ang mga hagna sa pagpondo sang gobyerno.
Suno sa Federal Aviation Administration (FAA) ang pila ka mga air controllers nagabalik pa sa ila trabaho tubtub nga wala pa nila mabaton ang ila sweldo.
Nagalaum man ang US Department of Transportation nga sa indi madugay magabalik sa normal ang operasyon sa tanan nga 40 ka mayor nga airports sang Estados Unidos.
Matandaan nga madamo sang mga federal workers sa US ang wala nakakadto sa trabaho bangud indi sila maswelduhan bangud sang US government shutdown.
