‘Normal pa rin ang buhay’ -Marcos sa pihak sang nagasaka nga presyo sang gatong

Ginasiguro ni President Ferdinand Marcos Jr. nga normal sa gihapon ang kabuhi sa Pilipinas sa pihak sang nagapanglagaak nga presyo sang gatong nga epekto sang tension sa Middle East.

Nagapangabay ang presidente nga matapos na ang gyera.

Suno sa iya, sa pihak sang nagakatabo sa kalibutan, normal sa gihapon ang pagpangabuhi sa pungsod ilabi na sa mga mamumugon.

Pahayag sang presidente, nagapangita pa gid ang gobyerno sang iban pa nga mga tikang agud makahatag pa sang dugang nga subsidies para sa mga sector nga apektado sang krisis.

Nagapati si Marcos nga napahagan-hagan man sang gobyerno ang epekto sang pagtaas sang presyo sang gatong.

Nagpasalig man ini sa publiko nga wala sang dapat kabalak-an.