Nov. 17 concert sang BINI ginbalhin bangud sa ginalauman nga pagpanglaslas sang bagyong Pepito

Ginsaylo sa iban nga petsa ang ulihi nga gab-i nga konsiyerto sang Pinay girl group nga BINI.

Suno sa organizer sang “Grand BINIverse”, nagdesisyon sila nga ibalhin nalang sa iban nga petsa ang November 17 show sang grupo bangud sa ginalauman nga  pagpanglaslas sang bagyong Pepito.

Ginsaylo na lamang ini sa Nobyembre 19 sa parehas man nga lugar para sa kaluwasan naman sang kadam-an.

Mahimu nga amotan man ang ticket sang Nobyembre 17 sa bag-o nga petsa kag sa parehas nga venue man sa Araneta Coliseum.

Ang indi makakadto sa bag-o nga petsa ang mahimu sa gihapon nga tawagan sang organizers para i-refund ang bayad.