Patay ang wala pa makilala nga ginapatihan miyembro sang Communist Terrorist Group (CTG) sa engkwentro sa grupo sang Army’s 12th Infantry Battalion sa Sitio Naatip, Barangay, Lahug, Tapaz, Capiz.
Sa impormasyon nga nakuha sang Bombo Radyo, natabo ang engkwentro sa tunga sang nasambit nga grupo kag sang mga armado nga rebelde sa nasambit nga lugar nga nagdugay sang 30 minutos nga ginakabug-usan sang ginabulubanta yara sa 10 ka miyembro sang Regional Sentro De Gravidad (RSDG) kag Central Front (CF) Weakened (W) Komiteng Rehiyon—Panay.
Ginpahayag pa nga matapos ang engkwentro, madasig nga nagpalagyo ang amo nga mga rebelde nga grupo sa nagkalain-lain nga direksyon samtang ginbilin sini ang ila kaupod nga napatay sa engkwentro.
Samtang, narekober sa ginluntaran sang engkwentro ang isa ka rifle kag lima ka backpacks nga naga unod sang kagamitan sang nagpalagyo nga mga katapo sang rebelde nga grupo.
