Nagpahayag sang pagsuporta ang National Task Force to End Local Communist Armed Conflict (NTF-ELCAC) sa mga indigenous people (IPs) sang Talaingod, Davao del Norte, sa pag-file sang mga ini sang ‘ethics complaint’ batuk kay Rep. Francisca “France” L. Castro sang Alliance of Concerned Teachers Party-List ukon ACT Party-List.
Suno sa NTF ELCAC, tinutuyo nila nga maangkon sang Ata Manobo Tribal Council of Elders and Leaders nga representative nanday Datu Allan Causing, Andigao Agay, kag Gusting Dalyak Dausay ang hustisya ilabi pa kag miyembro sang Kamara si Castro.
Nagapati ang task force, bilang lingkod bayan, handa dapat ini nga magpamati sa mga ginasinggitan sang pumuluyo ilabi na kun hustisya ang ila ginapangayo, kag mapanabat ang mga may sala.
Ang reklamo sang mga IPs, para sa NTF-ELCAC ang may katuyuan nga mapanabat si Castro kag 13 ka iban pa sa kaso nga child abuse, sa 14 ka menor-de-edad nga mga Lumad nga estudyante sadtong November 28, 2018.
Ginpahayag sang NTF ELCAC nga ang aksyon ni Castro sadto nga tion sa mga Lumad elders, ang paglapas sang ila mga kinamatarong, ilabi na ang pagiging patas nga nakasaad sa Code of Conduct and Ethical Standards for Public Officials and Employees.
