-- ADVERTISEMENT --
ROXAS CITY – Amat amat nga nagtaas ang numero sang mga evacuees nga nagpadulong sa mga shelters sa Florida kasunod sang pagpanalasa sang hurricane Irma nga yara sa category 4.
Ginpahayag ni Mr. Reynand Dumala-on, isa ka Capizeño ngaa tatlo ka tuig na nga nagatrabaho bilang manunudlo, nga madamo nga mga residente ang nagsabat sa panawagan sang gobernador sang Florida kag nag-evacuate na sa mga shelters, bangud sa kahadluk nga dala sang hurricane Irma.
Suportado naman sang gobyerno sang Florida kag US Federal Government ang pagkaon kag iban pa nga kinahanglanon sang mga evacuees nga karon yara sa mga shelters.
Samtang, naka-alerto man ang US navy at army sa mga balay nga wala sa tawo para indi makawatan sang iban nga nagahingalit sa sitwasyon.
