Nagdangat na sa 25 ang numero sang mga nalukpan sa bilog nga probinsya sang Capiz.
Sa interview sang Bombo Radyo kay Jeoffry Espiritu, Joeffry Espiritu, Development Management Officer IV kag Information Officer sang Department of Health – Capiz, iya ginpahayag nga ang amo nga datos ang halin December 21 tubtob Enero 4.
Suno kay Espiritu, mas nag nubo ang kaso kun ikumpara sang tuig 2024 apang mas nag taas ang numero sang mga na-utdan sang tudlo bangud sa halit sang palupok.
Pahayag pa niya, sa bug-os nga probinsya sang Capiz, ang syudad sang Roxas kag banwa sang DUmalag ang may pinakamataas nga kaso sang mga nalukpan.
Nagalaum man ang natungdan nga indi na madugangan ang numero sang mga nalukpan buwas nga adlaw nga amo ang katapusan nga adlaw sang ila monitoring.
