Indi magnubo sa 179 ka persona ang ginapahayag napatay matapos bumagsak ang Jeju Air flight 7C2216 sa Muan International Airport sa South Korea, suno sa news agency nga Yonhap ang insidente ang natabo samtang ang Jeju Air flight 181, ang nagahiwat sang isa ka emergency landing nga nagikan sa Bangkok nga may 181 tanan nga pasahero.
Sa karon, ang napabalita nga naluwas, isa ka pasahero kag isa ka miyembro sang crew.
Ang Boeing 737-800, nga nabalita nga nagka-problema samtang nakita nga nagadanlog ini sa runway sang wala sang nakit-an nga landing gear bag-o bumunggo sa pader.
Ginlaragway naman sang mga saksi nga nabatian nila ang mabaskog nga lupok bag-o ang pagbagsak sang eroplano sa pader sang paluparan, nga nagtuga sang pagsabog kag pagkalayo sini. Agam-agam naman sang mga awtoridad nga posible nga may natabo nga bird strike samtang ang eroplano ang naga-landing.
Padayon ang mga emergency responders sa pagpangita sang mga bangkay, kag ginkumpirmar sang mga awtoridad ang naluwas nga duha ka survivor ang gikan sa tail section sang eroplano ang nagapabulong na sa karon sa isa ka ospital.
Samtang, padayon naman ang pagtinguha sang mga awtoridad nga mapaguwa ang mga bangkay nga yara sa sulod pa sang nasambit nga eroplano.
Ang nasambit nga aksidente ang nagmarka sang isa ka kalunos-lunos nga milestone sa kasaysayan sang domestic civil aviation sang South Korea.
Ini man ang pinakauna nga fatal nga insidente sa kasaysayan sang Jeju Air, isa sa pinakadako nga low-cost carriers sang South Korea nga gintukod sang 2005.
