Indi magnubo sa 43 ka tawo, lakip ang 15 ka kabataan, ang kumpirmado nga napatay pagkatapos sang makahalalit nga pagbaha nga nag-anod sa Central Texas sang Biernes, suno sa mga opisyal sang siudad.
Kapin sa 850 ka mga tawo ang naluwas, samtang madamu pa ang nadula.
Ang Kerr County ang pinakagrabe nga naigo pagkatapos sang tubtob 38 sentimetros nga ulan nga nagtupa, nga nagtuga sang pag-awas sang Guadalupe River sa iya mga pangpang, nga naglab-ot sa 29 ka pulgada sang tubig.
Lakip sa mga missing amo ang 27 ka mga dalagita gikan sa Camp Mystic summer camp. Suno sa mga lokal nga opisyal, ginalauman nga magataas ang numero sang mga napatay samtang nagapadayon ang pagpangita.
Sa pihak nga bahin, 17 ka tawo ang ginreport man nga napatay sa Travis kag Kendall counties.
Samtang, ang Gobernador sang Texas nga si Greg Abbott nagpangabay sang isa ka federal disaster declaration agud magtutok sa ila mga operasyon.
Samtang, nagpalab-ot naman sang simpatiya si U.S President Donald Trump kag ginpahayag sini nga sabton sang gobyerno ang kinahanglanon sang mga apektado nga pumuluyo.
Ginbasol sang pila sa mga anay liderato sang National Oceanic and Atmospheric Administration (NOAA) ang kakulang sang nagakaigo kag temprano nga paandam, subong man ang kakulang sang mga tinawo bangud sang pagbuhin sang badyet sang administrasyon ni Trump.
