Numero sang mga napatay sa snow storm sa U.S, yara na sa siyam

Naglab-ot na sa siyam ka mga indibidwal ang napatay bangud sa tuman ka lamig nga dala sang sa snow storm nga na-ekperyensyahan sa Estados Unidos.

Angut sini, kanselado ang masobra 17,000 ka mga flights.

Sa interview sang Bombo Radyo kay Bombo Marissa Pascual, international correspondent sa U.S., iya ginpahayag nga madamo nga emergency declaration kag public safety warning ang ginpatuman agud masiguro ang seguridad sang mga residente.

Suno kay Pascual, yara naman sa mga linibo ka mga panimalay ang temporaryo nga nadulaan sang suplay sang kuryente.

Nagpanugyan man si New York City Mayor Zohran Mamdani sa publiko nga magpabilin na lang sa sulod sang ila mga panimalay kun wala man lang importante nga kadtuan.