Nagdangat na sa 13 ang numero sang mga napatay sa nagapadayon nga Wildfire sa Los Angeles County sa California.
Base sa mga nangin inisyal nga report sang mga otoridad, walo sa nabalhag nga fatalities ang nagikan sa Eaton Fire area samtang lima naman ang nabalhag nga gikan sa Palisades.
Ginkumpirmar naman ni County Sheriff Robert Luna ang 11 sa mga napatay kag nag-anunsyo nga 13 ang nagapabilin nga missing kag padayon nga ginapangita sang mga otoridad.
Samtang, nagdangat na naman sa kapin 180,000 nga mga residente ang apektado bangud sa wildfire kag nagapabilin sa mga evacuation centers.
Ang danyos naman nga naangkon pag-abot sa mga imprastraktura ang nagdanga na sa 12,300 nga mga kabalayan ang nasunog kag abo na lamang ang nabilin nga yara na sa halong indi magnubo sa $10 million US dollars.
Padayon naman ang mga otoridad sa pagtapna sa sunog nga nagsugod sang Enero 7.
