Numero sang sunog, ginalauman nga mas maganubo subong nga tuig – BFP Roxas City Fire Station

ROXAS CITY – Nagalaum ang mga katapu sang Roxas City Fire Station nga maganubo ang numero sang sunog sa syudad sang Roxas.

Ginpahayag ni FO3 Philamer Distura, arson investigator sang Bureau of Fire Protection Roxas City fire station nga kapin sa 30 ka mga fire incidents ang nagluntad sa syudad sang Roxas sang nagligad nga tuig 2020 kalakip diri ang 18 ka residential structures.

Kadam-an nga gintunaan sang sunog ang electrical, may yara nga intentional ukon hungod nga ginsunog, flying ember kag overheated appliance.

Samtang sini nga bulan sang Enero may narekord nga duha ka residential fires ang Roxas City fire station.

Nagpahanumdum naman si Distura sa publiko nga maghalong sa sunog.