Gin-anunsyo sang Philippine National Police (PNP) nga generally peaceful kag wala sang nabalhag nga major incidents nga natabo sa bug-os nga obserbasyon sang Holy Week sang tinalikdan nga semana.
Ini suno sa nangin mga pahayag ni PNP Chief PGen. Rommel Francisco Marbil kun sa diin gindayaw sini ang mga kapulisan nga nag-duty kag nagbantay sa mga terminal, pantalan, mga simbahan kag mangin sa mga dalanon sang Metro Manila sa bug-os nga ulihi nga semana sang Kwaresma.
Dugang pa sini nga ang pagiging vigilante kag ang pagpabaskog sang presensiya sang mga pulis sa mga nagapanguna nga areas sa nakaligad nga semana amu ang nangin liyabe kun ngaa nangin malinong ang nangin obserbasyon sang Holy Week.
Matandaan nga nagpahamtang ang PNP sang kabug-usan nga numero sang 65,000 ka mga pulis nga ginpalapta sa nagakalain-lain nga lugar nga gindugok sang publiko ilabi na sa mga simbahan.
Samtang, ang deployment nga ini ginalauman nga magalab-ot tubtob matapos ang Summer Vacation 2025 agud masiguro ang seguridad kag kaluwasan sang publiko.
