Ginkumpirma sang Provincial General Services Office (PGSO) head kag OIC jailwarden sang Capiz Rehabilitation Center (CRC) ang pagpositibo sa COVID-19 sang isa ka inmate.
Ginpahayag ni Eduardo Apa-ap nga matapos nagguha ang resulta sang swab test sang wala ginhingadla nga inmate, gilayon ini gintransfer sa isa ka selda agud maseparar sa iban.
Ginseparar man ang iban nga naka-close contact sa nasambit nga inmate samtang ang jailguard nga nakaduty kag naka-close contact diri ang ginlock-in sa facilidad.
Padayon man ang monitoring sa inmate kag sa mga naka-close contact sini kag pananglitan may sintomas sila sang COVID-19, ipaidalum sila sa swab test.
Samtang nagalab-ot sa 300 ka mga inmates kalakip diri ang mga babaye sa sulod sang facilidad.
Nahibaluan nga bangud sa COVID-19, madamo nga sentensyado na sa ila mga kaso ang wala ma-remit sa National Bilibid Prison kag nagapabilin sa karon sa CRC.
